Drejtësia belge është duke hetuar çështjen “Toyota Yaris” e cila një vit më parë tronditi Shqipërinë.
Një ndër personat e implikuar në këtë ngjarje është edhe kryedemokrati Lulzim Basha.
Ky i fundit dekonspiroi operacionin e bllokimit të 3.4 mln eurove nga policia në Durrës duke shpërdoruar pozicionin politik për t’i shërbyer personave të dyshimtë.
Kjo u vërtetua edhe nga një foto ku Basha pozonte bashkë me vëllain e njërit prej të shpallurve në kërkim për këtë rast.
Kjo çështje po hetohet në Shqipëri, por edhe në Belgjike dhe një gjykate belge i ka kërkuar Prokurorisë shqiptare që të pyesë për llogari të saj edhe kryetarin e Partisë Demokratike Lulzim Basha se nga e kishte mësuar informacionin për makinën me para.
Mësohet se gjyqtari belg Laurent Hauzgen i ka kërkuar dy Prokurorëve të çështjes që t’i bëjnë tre pyetje kreut të PD: Pyetja e parë është se si u informua Basha për sasinë prej 3,4 milionë Euro? Cilat ishin informacionet ekzakte? Si dhe: Kush ja dha këto informacione?(TemA)
