Shqiptarë nga Kosova dhe Shqipëria në fusha të ndryshme arritën që të bëhen të njohur edhe për tregun botëror. Disa filluan karrierën e tyre në vend e pastaj u larguan drejt vendeve të suksesit, e disa të tjerë filluan karrierën nga atje.
Shqiptarë të suksesshëm dhe të njohur ka pothuajse në gjithë botën. Këto personalitete përmes talentit të tyre dhe punës, përveç arritjeve vetiake, bënë që Kosova dhe Shqipëria të njihet nga shumë popuj të ndryshëm, sepse sa herë që atyre iu është dhënë rasti ata kanë folur për origjinën e tyre me krenarinë më të madhe.
Dua Lipa
Dua Lipa është shqiptarja që deri me tani ka arritur suksesin më të madh në botën e muzikës prej shqiptarëve në arenën ndërkombëtare
Nominimet për Duan janë në kategorinë Best New dhe Best Look derisa kënga pritet që të nominohet edhe për çmimin kryesor EMA.
Deri me tani Dua është artistja e parë shqiptare e cila ka arritur që të jetë e nominuar për një çmim kaq të madh në showbizin ndërkombëtarë.
Bebe Rexha
Prejardhjen e ka nga trojet shqiptare, Dibra e Maqedonisë por ka lindur në Bruklin të New Yorkut.
Është talenti i Bleta Rexhes, që të gjithë e njohin me nofkën Bebe, që po e bën atë të njohur në botë. Ajo ka pasur bashkëpunime me këngëtaret më të famshwm të Amerikës, duke u bërë kështu pjesë e elitëz muzikore amerikane.
Rita Ora – Këngëtare
Një nga këngëtaret më të famshme në ditët e sotme. Ajo ka lindur ne Prishtinë, nga prindër shqiptarë dhe ka shkuar në Mbretërinë e bashkuar në moshën 1-vjeçare.
Blerim Destani- Aktor
Aktori Blerim Destani, ka një karrierë të pasur artistike, edhe pse është pjesë e brezit të ri të aktorëve, ka sjellë para publikut personazhe dhe karaktere nga më të ndryshmet. Ajo që e bën të ndihet në vetvete shumë të sigurt drejt këtij profesioni, ka qenë fakti i të qenit gjithmonë i përkushtuar në punë. Ai punon me regjisorë të famshëm, me të cilët ka vite që njihet dhe janë pikërisht ata që i dhanë shtysën për të vijuar ëndrrën e aktrimit.
Era Istrefi
Fama e saj i kapërceu kufijtë e Shqipërise pikërisht nga kënga që bëri historinë në muzikën shqip në dhjetor të vitit 2015, “Bonbon”. Kënga mori dheun në rrjetet sociale në muajin e parë të lansimit, e cila sot numëron mbi 460 milionë shikime. E gjitha filloi në Twitter me krahasimet që ju bën me ngjashmërinë e saj vokale me këngëtaren amerikane, Rihanna.
Ermal Meta
Meta ka ndërtuar një karrierë të suksesshme në shtetin fqinj në fushën e muzikës, pasi ai njihet jo vetëm si këngëtar por edhe si tekstshkrues dhe kompozitor.
Një zë brilant, me një tematikë mjaft aktuale në këngën e tij, atë kundër dhunës në familje, Ermali ka korrur sukses në Sanremo 2017, duke na bërë të ndihemi krenarë.
Angela Martini – Modele
Martini ka lindur në Shkodër. Në moshën 10-vjeçare ajo u zhvendos se bashku me familjen në Zvicër dhe tani jetojnë në SHBA. Ajo është një modele e sukseshme në arenën ndërkombëtare.
Eliza Dushku – Aktore
Aktore e njohur për rolet e saj të shumta në seriale apo filma televizive si Buffy the Vampire Slayer, Wrong Turn, True Lies, etj. Babai i Elizes është shqiptar nga Korça, mamanë e ka daneze.
Emina Cunmulaj – modele, SHBA
Supermodelja me origjinë shqiptare, Emina Cunmulaj, është shpallur ylli i ri i revistës së famshme te fotomodeleve “Elite” dhe “Vogue” në SHBA.
Nik Xhelilaj
I njohur fillimisht nga filmi “Shqiptari”, duket se rrugët e famës për aktorin janë hapur në Evropë.
Niku e ka nisur eksperiencën duke interpretuar në gjuhë të huaj, por nuk e mohon edhe mundësinë e bashkëpunimit me një produksion shqiptar.
Përgatiti: AlpeNews.al
