Tenisti spanjoll, Rafael Nadal, është tërhequr sot nga mastersi i Parisit pas një rishfaqjes së problemit të gjurit.
Ai nuk ka konfirmuar nëse do të mund të luajë në turneun përfundimtar të këtij viti, ATP World Tour Finals, i cili zhvillohet në fund të këtij muaji në Londër, transmeton Express.
Numri një i botës ka thënë në një konferencë për media para ndeshjes çerekfinale kundër serbit Filip Krajinovic se është duke vuajtur nga një shqetësim në gjurin e djathtë.
Ai shtoi se dëshiron ta bëjë më të mirën për të qenë i gatshëm për ATP Finals në Londër.
Emra të mëdhenj që do të mungojnë në këtë turne të rëndësishëm janë Novak Djokovic, Andy Murray, Stan Wawrinka dhe Kei Nishikori.