Djali 11-vjeçar dyshohet se ishte dëshmitar kur nëna në Gjermani vrau 5 fëmijët e saj, para se të përpiqej t’i jepte fund jetës.
Christiane K. 27 vjeçe besohet se ka helmuar 5 fëmijët, të cilët u gjetën të pajetë në apartament në Solingen të enjten.
Burime policore i thanë RTL se fëmija i madh i mbijetuar, Marcel 11-vjeçar pa të gjithë ngjarjen makabre.
Gruaja 27-vjeçare dyshohet se ka vrarë 5 fëmijët e saj, para se të tentonte vetëvrasjen duke u hedhur përballë një treni. Mamaja ka mbijetuar, edhe pse paraqet plagë të rënda që po trajtohen në spital.
Ndërkohë forcat policore u njoftuan me telefon nga gjyshja e të vegjëlve dhe nisën urgjentisht në banesën ku kishte ndodhur ngjarja makabre, por nuk arritën në kohë për të shpëtuar 5 fëmijët me moshë një, dy, tre, gjashtë dhe tetëvjeçare. Nuk dihen ende arsyet e tragjedisë.
