Filmi “Titanic” i realizuar në vitin 1997, ku luan Kate Winslet dhe Leonardo DiCaprio, do të kthehet në ekranin e kinemasë këtë dhjetor në festimin e 20 vjetorit të tij.
Përgjatë një jave duke filluar nga 1 dhjetori, “Titanic” mund të shihet në tërë Shtetet e Bashkuara në të gjitha kinematë Dolby në lokacionet e AMC.
Filmi vjen i projektuar nga Dolby Vision HDR, drejtori i të cilit James Cameron, tha se ishte sikur ta shihje filmin për herë të parë.
“Kjo është përtej 3D, përtej 70 mm, është përtej çdo gjëje që ju keni parë ndonjëherë më parë. Imazhi del nga ekrani aq i ndritshëm dhe i gjallë sa vetë jeta.
Kjo është mënyra se si duhet të shihet çdo film dhe pa dyshim, “Titanic” nuk ka qenë kurrë më i mirë”, ka thënë Cameron.
Filmi”Titanic” u shfaq për herë të parë më 19 dhjetor 1997 dhe pas filmit “Avatar” mbetet filmi i dytë që ka arritur më së shumti të ardhura, ku shifrat e fitimeve sillen rreth 2.2 miliardë dollarë.