Marrëveshja mes partive politike shqiptare në Tuz të Malit të Zi, vlerësohet nga Tirana zyrtare, si një akt për në mbrojtje dhe përfaqësim të interesave të shqiptarëve gjatë zgjedhjeve për Këshillin e Komunës. Ministria për Evropën dhe Punët e Jashtme mirëpret ndërgjegjësimin e faktorëve politike e shoqërorë shqiptarë në Malin e Zi, për të nxjerrë mësime nga problemet, ndasitë dhe dështimet e së kaluarës. Bashkimi i forcave për të maksimizuar rezultatin, sipas ministrisë së jashtme, është rruga e duhur për të realizuar të drejtat që u garanton ligji dhe kuadri ligjor në Malin e Zi dhe ai ndërkombëtar.
