Është duke u luajtur ndeshja e parë për turin e dytë në Kupën e Shqipërisë për Grupin A e njohur ndryshe si ‘klasikja’ mes Tiranës dhe Vllaznisë. Një ndeshje që ngacmon shumë të dy krahët pasi nuk mund të harrohet kurrsesi ajo përballje në fundin e kampionatit të shkuar ku Tirana ra nga kategoria dhe Vllaznia shpëtoi vetëm falë barazimit 0-0.
Bardheblutë kanë shansin të hakmerren për atë ‘klasike’ të hidhur që nxiu historinë e tyre, duke rënë për herë të parë nga Superliga, ndërsa Vllaznia do përpiqet të tregojë se nuk ishte rastësi ajo finale e hidhur mbijetese, e 27 majit 2017.
MINUTE PAS MINUTE
68’ Shënon Tirana. Futbollisti Majkell Ngo merr një inkursion nga krahu dhe fut një asist të bukur në zonë që gjen finalizimin e Bedri Grecës.
59′ Arlind Kalaja provon me një harkim nga krahu i majtë, topi përfundon në duart e portierit Lika.
57′ Zëvendësimi i parë te Tirana, largohet Celhaka në fushë Ngo.
53′ Vllaznia i afrohet golit të avantazhit me Gliman Likën, por gjuajtja e mesfushorit devijohet në këndore.
46′ Nis pjesa e dytë në “Selman Stërmasi”
45+1′ Mbyllet me rezultatin 0-0 pjesa e parë
42′ Hoxhallari provon me një gjuajtje me të majtën në ecje e sipër, por topi përfundon mbi traun e Sherrit.
34′ Goditje këndi për Vllazninë, kroson kapiteni Gilman Lika, topi kalon gjithë pasqyrën e portës, por nuk arrin të devijohet nga futbollistët shkodranë.
15′ Doka shpërthen në krahun e djathtë dhe harkon një top në qendër të zonës së Vllaznisë. Del portieri i Vllaznisë duke kontrolluar topin pasi asnjë nga sulmuesit e Tiranës nuk ndjek aksionin.
12′ Një tjetër mundësi e mirë për kryeqytetasit, Bedri Greca gjuan bukur në krahun e djathtë, por portieri Sheri, ka treguar reflekset duke mos lejuar topin t’i drejtohet rrjetës.
3′ Tirana gjen rrugën e rrjetës me Sentamun, por gjyqtarin Alla kemi të bëjmë me një gol të parregullt, pasi sipas tij, lojtari bardheblu shkaktoi faull.
2′ Tirana jep sinjalin e parë të rrezikshë me Sentamu, por gjuajtja e sulmuesit ishte e gabuar.
1′ Ka nisur takimi.
Tirana – Vllaznia 0-0
Tirana: Lika, Hoxhallari, Uellison, Turtulli, Doka, Maveje, Daja, Karabeci, Sentamu, Celhaka, Greca.
Trajner: Ze Maria
Vllaznia: Sherri, Gurishta, Marku, Orelesi, Gocaj, Bardulla, Kalaja, Lika, Vucaj, Krymi, Ribaj.
Trajner: Ernest Gjoka
Gjyqtar: Laver Alla
