Gazetarja Fatjona Mejdini, në emisionin “Në Shenjestër”, në News24 foli për emigrimin e paligjshëm dhe kontrollin nga grupet kriminale.
Gjatë bisedës me gazetaren Klodiana Lala tha se grupet kriminale të trafikimit të emigrantëve, po përdorin më shumë rrjetet sociale për të trafikuar të rinjtë.
“Mund të themi që ka grupe të caktuar, mbase jo dhe aq të strukturuara, por janë grupe të vogla që kanë parë një mundësi se si mund t’i çojnë në Britani kundrejt një çmimi të ri. Tik-Tok është forma e rekrutimi, këta po mundohet të përfitojnë nga kjo situatë. Grupet kriminale sigurojnë pjesët e kalimit me gomone dhe marrin përqindje, grupe shqiptare që mundësojnë numrin e njerëzve. Nuk mund të themi që janë vetëm shqiptare por një sërë nacionalitetesh që i udhëheq parimi i fitimit”, tha Mejdini.
