Kryeministri Edi Rama shprehet se është i gatshëm të ulet për dialog pa kushte me opozitën.
I pyetur për thirrjet e fundit të ndërkombëtarëve drejtuar partive politike në vend, që të ulen dhe të dialogojnë pa kushte, Rama ka thënë se është dakord, madje dhe se do të shkonte vetë dhe nuk kishte nevojë për njeri që t’ i tregonte.
‘Për takim pa kushte unë jam dakord dhe nuk kam nevojë për të tjerë, po shkoj vet. Unë pa kushte ulem në tavolinë me ta. Pra vetëm të ulemi pa kushte është e vetmja gjë që di’, tha Rama në Opinion.
