Papa Françesku bëri thirrje për t’i dhënë fund gjakderdhjes në Mianmar.
“Edhe unë gjunjëzohem në rrugët e Mianmarit dhe them: ndal dhunën”, ka thënë Papa gjatë një audience të mbajtur në distancë, nga biblioteka e Vatikanit, për shkak të kufizimeve të pandemisë.
Më 1 shkurt ushtria mori pushtetin në Mianmar dhe burgosi zyrtarët e lartë shtetëror.
Që nga ajo kohë janë zhvilluar protesta kundër sundimit ushtarak, dhe deri më tani llogaritet se janë vrarë rreth 180 protestues.
Protestuesit mbajnë fotografinë e udhëheqëses së rrëzuar të Mianmarit Aung San Suu Kyi, gjatë protestave kundër grusht shtetit më 15 shkurt 2021.
“Edhe një herë dhe me shumë trishtim ndiej urgjencë të flas për situatën dramatike në Mianmar, ku shumë njerëz, shumica e tyre të rinj, po humbin jetën në mënyrë që t’i ofrojnë shpresë vendit të tyre”, tha Papa Françesku.
Në Mianmar ka rreth 800.000 katolikë. Shumica e popullsisë janë budistë.
