Thellohet bilanci TRAGJIK i aksidentit në Shkodër. Shkon në 4 numri i të vdekurve. Ndërroj jetë Noemi, vajza 10 vjeçare e Edmond Prekës.
Mbrëmjen e sotme në Velipojë ndodhi një aksident tragjik me tre viktima dhe katër të plagosur.
Babai dhe tre fëmijët humbën jetën nga aksidenti në Velipojë, ndërsa gruaja e çiftit Preka ndodhen në spital, e cila është e mbijetuara e vetme deri tani e familjes së saj që u shua tragjikisht në udhëtimin fatal.
Shefi i Urgjencës së Shkodrës Astrit Lahja dhe mjekja Dhurata Ruçi në një prononcim për mediat u shpreh më herët se vajza 10-vjeçe ndodhet në gjendje të rëndë për jetën, por nuk mund të transportohet për në Tiranë, pasi mund të rezultonte fatale. Siç edhe ndodhi fatkeqësisht pak pas orës 23.00 të së dielës.
Në spital aktualisht po marrin ndihmë gruaja e viktimës dhe dy djemtë që ndodheshin në makinën tjetër.
DINAMIKA POST AKSIDENTIT
Familja Preka është nga Velipoja. Në 18:50 mërriti i vdekur në spital Edmond Preka. Në 19:10 mbërriti gjithashtu po i vdekur djali i tij 9 muajsh, Rajani.
Me dëmtime të rënda që nuk mundi me rezistuar ishte vajza Ajseli dhe sapo erdhi ndërroi jetë.
Në gjendje të rëndë është Evis Preka, nëna e fëmijëve të vdekur dhe bashkëshortit Edmond Preka që u shua i pari.
Të plagosur janë edhe Sokol Mëhilli dhe Andrea Gjergji në gjendje relativisht mirë.
Kjo është një nga tragjeditë më të rënda që ka kaluar Urgjenca e Shkodrës. Tani janë sistemuar në reanimacion.
Gjendja e tyre nuk lejon transportimin në Tiranë, më pas duke parë do veprojmë” thanë mjekët.
BILANCI I TRAGJEDISE
Të vdekur
1.- Edmond Preka
2.- Neomi Preka
3.- Rajan Preka
4.- Ajsel Preka
Të plagosur
1.- Evis Preka
2.- Sokol Mëhilli
3.- Andrea Gjergji
Tragjedia që përfshiu familjen Preka, është ndoshta nga më të rëndat e viteve të fundit për ndonjë familje shqiptare të shuar në aksidentet automobilistike në Shqipëri. Më të dhimbshme, atë e bën fakti se u shuan fëmijë nga disa muajsh, deri në 10 vjeç.
Alpenews.al