Ditën e djeshme u përhap me shpejtësi lajmi në mediat turke se aktori Ozcan Deniz i njohur si “Kahraman” nga seriali “Një pjesë e imja”, i ka kërkuar partneres së tij Feyza Aktan që të firmosë një kontratë paramartesore në mënyrë që të mbrojë pasurinë e tij në rast divorci.
Pas këtij lajmi aktori ka reaguar me një deklaratë publike ku është shprehur se një gjë e tillë nuk është e vërtetë dhe se dasmën me 25-vjeçaren do e bëjë shumë shpejt, por datën do e dinë vetëm të afërmit.
“Lajmi për një kontratë paramartesore është i rremë dhe i pabazë. Kjo gjë bie në kundërshtim me marrëdhënien plot dashuri që kam me gruan time. Fakti që s’jemi martuar ka të bëjë me shtatzaninë e gruas sime dhe gjendjes sime jo të mirë shëndetësore. Data e dasmes do të vendoset shumë shpejt dhe do t’i thuhet vetëm familjarëve”, është shprehur aktori.
