Presidenti i Kosovës, Hashim Thaçi refuzoi t’i japë “dritën jeshile” caktimit të një serbi etnik në Gjykatën Kushtetuese të vendit, pas pretendimeve se ai ka marrë një dënim në Serbi për kontrabandë.
Labani u propozua nga partia kryesore serbe e Kosovës, “Lista Serbe”, dhe u votua nga Parlamenti i Kosovës më 22 maj. Por, mediet në Serbi raportojnë se ai kërkohet atje si një nga 21 personat e dënuar në vitin 2011 për përfshirje në veprime të paligjshme kontrabande.
Ato thonë madje se, Labani është denuar me 6 vite burg për rolin e tij në këtë çështje nga Gjykata e Lartë e Beogradit, e se me kërkesë të Serbisë është vendosur edhe në listën e personave të kërkuar nga INTERPOL-i.
Ndërkohë, “Lista Serbe”, që ka 9 vende në Parlamentin e Kosovës, vazhdon të këmbëngulë se Labani është njeri me “integritet dhe cilësi të larta morale”.
