Publicisti dhe politikani i njohur në Kosovë Veton Surroi ka refuzuar që të marrë dekoratën e dhëna nga presidenti i Kosovë Hashin Thaçi me rastin e 10 vjetorit të pavarësisë.
Në një status në facebook Surroi shprehet se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij.
Për këto arsye të lartë përmendura Veton Surroi rrefuzon që të marrë dekoratën duke thënë se i pandershmi (Hashim Thaçi) nuk mund të më nderojë as mua e aq më pak këtë vend.
Surroit iu dha dekorata për proceset vendimtare për arritjen e lirisë dhe pavarësisë, Konferencës së Rambouillet dhe Procesit të Vjenës.
Reagimi i plotë i Surroit
Pash emrin tim , dy herë , në listën e të dekoruarve nga Hashim Thaçi për dhjetëvjetorin e pavarësisë. Që të dyja herët emri im është vënë në proceset vendimtare për arritjen e lirisë dhe pavarësisë, Konferencës së Rambouillet dhe Procesit të Vjenës. Ka qenë nder imi që t’i shërbej vendit.
Konsideroj se Hashim Thaçi është përgjegjësi kryesor për kapjen e shtetit, izolimin e tij, vjedhjen e tij, varfërimin e tij material, mendor e shpirtëror, zbrazjen e tij prej një të dhjetës së popullatës për dhjetë vjet pavarësie, humbjen e konsensusit politik e perspektivës së të rinjve brenda tij…Me përjashtim të okupatorëve, nuk ka pasur njeri që i ka bërë kaq dëm vendit.
Me bindjet e mia për këtë njeri refuzoj të marrë çfarëdo dekorate.
I pandershmi nuk mund të me nderojë.as mua e aq me pak këtë vend.
Qytetareve: gëzuar dhe u prifshit ndryshimeve!
