Mediat nga e gjithë bota kanë raportuar mbi tërmetin vdekjeprurës, që goditi Shqipërinë gjatë orëve të para të së martës, duke lënë shkatërrim dhe viktima. Një nga ngjarjet për të cilat ka shkruar sot gazeta zvicerane Blick është vdekja e një nëne 30-vjeçare, e cila humbi jetën në spital pasi u nxorr nga rrënojat, ndërkohë që më herët kishte humbur edhe vajzën 8-vjeçare.
Diena Karanxha ishte një emër i njohur i ekranit shqiptar, si piktore.
Vetë gruaja, u gjet nën rrënojat e një pallati 6-katësh në Durrës. U dërgua në spital por dje në mbrëmje u njoftua vdekja e saj.
Më herët policia kishte njoftuar se “pas shkollës së “Mjeshtërisë” në rrënojat e një pallati 6-katësh, pas 14 orë përpjekjesh, forcat speciale Renea, bënë të mundur nxjerrjen e 30-vjeçares e cila u dërgua menjëherë në spital për ndihmë mjekësore. Rreth 2 orë më herët, Renea kishte nxjerrë edhe vajzen e saj të mitur 8-vjeçare e cila kishte humbur jetën”.
Familja Karanxhaj ka pesuar nje tragjedi te vertete, duke qene se pak kohe me pare Diena kishte humbur bashkeshortin, ndersa sot humbi vajzen dhe ju bashkua familjes edhe vete.
Ja çfarë shkruan gazeta zvicerane Blick sot:
“Tërmeti shkatërroi një pallat me gjashtë kate në Durrës, ku jetonte Diena Meçaj Karanxha (30) dhe e bija, Esiela (8). Teksa ekipet e shpëtimit e gjetën vogëlushen të vdekur, ata e nxorën mamanë e re nga rrënojat të gjallë pas dy orësh.
Për 14 orë qëndroi ajo e plagosur rëndë në rrënoja. Diena Karanxha u dërgua në spital, por humbi jetën aty.
Ajo ndoqi kështu burrin e saj dhe babanë e Esielës. Karanxha e humbi burrin në vitin 2015 dhe jetonte vetëm me të bijën e vogël në pallat.
Në një postim në FB në vitin 2015, ajo vajtonte humbjen e burrit, të cilin e quante me dashuri Dori: “Falenderoj Zotin çdo ditë për fatin që pata. Por jeta na vendos përpara provave të vështira”.”
