“Isha i pafat! Me lot në sy babai tregon se Xhesika nuk mundi të mbijetonte.
Ishte në shtëpi kur mori lajmin se zemra e vajza e tij e vogël ndali sot në mesditë
“Nesër do të bëhet varrimi në kombinat. Banesa ka marrë fund, por çfarë më duhet shtëpia tani më iku fëmijë” thotë ai me lot në sy në një intervistë për gazetaren e Ora News, Keti Banushi.
Nga tërmeti është lënduar dhe bashkëshortja e tij dhe vajza e madhe.
Xhesika Biqiku është viktima më e fundit e tërmetit tragjik të 26 nëntorit. Për shkak të lëkundjeve të forta ajo u godit nga një tra duke i shkaktuar dëme të rënda.
E reja u dërgua menjëherë në urgjencën e spitalit, por prej goditjes së rëndë ra në koma. Babai i së resë apeloi përmes Ora News që vajza të mjekohej në Itali, por mjekët nuk dhanë garanci.
Mesditën e së shtunës, 30 nentor, ministria e Shëndetësisë dha lajmin e hidhur, 20 vjeçarja nuk do të jetë më mes nesh.
