Banorët në zonën e Selenicës në Vlorë, banesat e të cilëve u dëmtuan nga lëkundjet e tërmetit kanë rrëfyer momentet e frikshme.
Një banor thotë se lëkunjdet ishin të forta, aq sa filluan të binin edhe gurë nga mali.
“Në shtatë e gjysmë unë isha te shtëpia ime dhe e ndjeva fort dhe u tremba. Qe aq e madhe sa ranë dhe gurë nga mali, pastaj pati lëkundje gjatë natës. Unë isha me djalin, dajli fjeti jashtë, por lëkundej shtëpia”, shprehet banori.
Po ashtu ata thonë se vitet e fundit nuk ka pasur lëkundje tërmeti.
Që para tre-katër ditësh ka pasur lëkundje, dje ishte më e shtuar, pati disa lëkundje, pas tërmetit të madh. Ranë gurë, u dëmtua rruga, u ndalua qarkullimi. Janë dëmtuar edhe banesa, frikën e kemi se është fuqi e madhe natyrore. Jam 60 vjeç dhe nuk mbaj mend të ketë rënë kështu tërmet.
Ndërsa prefekti tha se nesër në orën 12:00 do të mbledhë shtabin e emergjencave.
Prefekti: Unë kam folur me kreun e bashkisë selenicë dhe nesër në orën 12:00 do të mbledh shtabin e emergjencave. Duke patur parasysh që tërmeti i parë ka ndodhur në datë 14 dhe i fundit sot në mëngjes kam porosituar që të bëjnë kujdes, sidomos në zonat e rrezikshme i kam thënë që të rrinë jashtë banesave që rrezikohen nga këta shkëmbinj.
