Tre vajza kanë tentuar të vrasin veten, dhe kanë zgjedhur të njëjtën mënyrë vetflijimi, e cila është duke pirë e helm. Bëhet fjalë për tre raste të ndryshme, ku njëra prej vajzave, është në moshë fare të mitur. Kjo është një ngjarje e cila po hasemi shpesh kohët. Vetflijimi po shikohet si një “zgjidhje” që i jep fund problemeve të të rinjve dhe këto raste nuk po trajtohen sic duhen…
Më poshtë po ju paraqesim tre rastet e tre vajzave të cilat i përmendëm më lart:
Në Kavajë, rreth orës 22:00 të ditës së djeshme, në banesë, në kushte depresioni është vetëhelmuar me medikamente 12-vjeçarja K. P.
Vogëlushja u gjet në gjendje të rëndë nga familjarët të cilët e dërguan me urgjencë në spital. Fatmirësisht nga ndihma e dhënë nga bluzat e bardha, e mitura ndodhet në spital jashtë rrezikut për jetën.
Rasti i dytë ka ndodhur pasditen e djeshme në Shijak. Rreth orës 15:00 të së martës, në fshatin Koxhas, në banesë është vetëhelmuar me insekticide 30-vjeçarja L.C., e cila ndodhet në spital nën kujdesin e mjekëve.
Nuk dihen ende shkaqet që e kanë shtyrë të renë drejt këtij akti, ndërkohë që policia ka nisur hetimet.
Tentativa e tretë e flijimit ka ndodhur paraditen e së martës, në qytetin e Laçit.
Rreth orës 10.00, në lagjen nr.2, Laç, është vetëhelmuar me bar miu, 22-vjeçarja M. K., banuese Kurbin, e cila ndodhet në spital jashtë rrezikut për jetën.
Dyshohet se akti i rëndë është kryer në kushtet e tronditjes psikologjike, ndërkohë që materialet iu referuan Prokurorisë së Lezhës për vlerësim./AlpeNews.al/
