Opozita ka bojkotuar seancën dëgjimore me kandidatët për kryeprokurorin e përkohshëm.
Asnjë prej deputetëve të PD-së apo LSI-së, me urdhër të kryetarëve të tyre, nuk ka pranuar që të marrë pjesë në mbledhje.
Kryetari i Komisionit të Ligjeve, Ulsi Manja, është përpjekur të bindë të paktën Nasip Naçon që të marrë pjesë në mbledhje.
Ai i ka dërguar një mesazh atij, nëpërmjet sekretares së Kuvendit.
Por Naço i është përgjigjur me ironi se ndodhej në bibliotekë duke lexuar “Kurbanin” e Edi Ramës dhe ndaj s’mund të merrte pjesë në mbledhje.
Mesazhet e zbardhura
Sekretarja e Kuvendit: Pershendetje z. Nasip! Kryetari I komisionit nderpreu mbledhjen per 15 min, per t’ju njoftuar edhe nje here per seancen degjimore. Ju lutem konfirmoni pjesmarrjen tuaj!
Mesazhi i Nasip Naços: Nuk mundem te marr pjese per momentin , pasi jam ne biblioteke. Po lexoj librin “Kurban “ te Edi Rames.
