Dhjetëra banesa në disa qytete janë kontrolluar nga policia në kërkim të 42 vjeçarit Klered Bozhani I cili një natë më parë ka qëlluar dhe plagosur një nga efektivët e policisë.
Sipas policisë mësohet se përgjatë kësaj të enjtje ka vijuar kërkimi intensiv për kapjen e autorit të ngjarjes së ndodhur në rrugën “Hysen Xhura”, shtetasit Klered Bozhanaj, 42 vjeç, i cili tentoi të vriste me armë zjarri punonjësin e Policisë.
Shërbimet e Policisë kanë kontrolluar dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.
Ndërkohë në kuadër të ndonjë informacioni në lidhje me këtë person, policia ka ftuar qytetarët që të japin informacion për autorin e kësaj ngjarjeje dhe vendos shpërblim 20 000 euro, për çdo informacion të vlefshëm, që do të çojë në kapjen e tij.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi
