Një 20 vjeçar në Durrës ka tentuar të vjedhë një bankë të nivelit të dytë fare pranë stacionit të trenit të qytetit bregdetar.
Ngjarja ka ndodhur pak minuta më parë. Policia ka ndërhyrë me shpejtësi dhe ka arritur të neutralizojë të riun, shtetasin Kreshnik M, vetëm 20 vjeç.
I riu ka hyrë në bankë dhe në dorë mbante një thikë. Nën kërcënimin e armës së ftohtë, i riu ka tentuar të vjedhë xhiron ditore duke kanosur punonjësen e arkës.
Punonjësit e tjerë të bankës kanë lajmëruar policinë e cila ka ardhur dhe ka arrestuar të riun./Gazeta Express
