Policia kanadeze ka njoftuar se një grua ka humbur jetën nga i ftohti, teksa po ecte nga shtëpia e fqinjit në drejtim të banesës së saj.
Sipas zyrtarëve gruaja u gjet e vdekur para derës së shtëpisë së saj në Dawson Creek. Hetimet zbuluan se e ndjera kishte shkuar për të takuar një mik, me të cilin një natë më herët ishin parë duke pirë në një lokal.
“Ajo është larguar nga shtëpia e fqinjit dhe për fat të keq nuk ka arritur të shkojë as deri te shtëpia e saj”, është shprehur rreshteri Damon Werrell.
Mediat e huaja shkruajnë se atë natë temperaturat kishin rënë në minus 42 gradë celsius dhe sipas tyre viktimës nuk iu deshën më shumë se disa sekonda që të “ngrinte” nga i ftohti ekstrem.
