Punimet e fëmijëve në pikturë dhe skulpturë, të cilat kanë lindur si fryt i imagjinatës së tyre gjatë pandemisë COVID 19, janë ekspozuar nën titullin “Trashëgimia kulturore” në hollin e Teatrit të Kukullave.
“Gjatë pandemisë ne kemi pikturuar në shtëpi”.
Artistët e së ardhmes nën kujdesin e zyshës së pikturës, kanë trajtuar tematika të ndryshme, ku mes tyre dominon marrëdhënia e tyre më natyrën
“ Për fëmijët e kursit të skulpturës nuk është hera e parë, që ne kemi punuar online, por marrëdhënia e tyre me ngjyrat edhe dashuria për pikturën, ua ka lehtësuar edhe më shumë punën, e cila është finalizuar në këtë ekspozitë në Teatrin e Kukullave”, shprehet Sala.
E në këtë datë të shënuar, në 1-Qershor, që fëmijët festojnë takimin me njëri tjetrin pas pandemisë, por edhe festën e fëmijëve, ata na rrëfejnë ëndrrat për të ardhmen.
“Ëndrra ime është që të bëhem piktore”, shprehet një nga piktoret e vogla.
“Besoj se në të ardhmen do të bëhem piktore ose violiniste”, një tjetër fëmijë, e cila ka edhe një mesazh për të gjithë bashkëmoshatarët e saj: Ruani distancën, edhe tregoni kujdesin e duhur, derisa kjo pandemi të largohet përfundimisht.
Përpos ekspozitës, fëmijët në këtë ditë të veçantë u njohën nga afër dhe me kukullat e personazheve të dashur, si Tre derrkucët, E bukura dhe Bisha, e shumë të tjerë, të cilët i kanë parë në skenën e Teatrit të Kukullave.
