Të vdesësh për më pak se 50 euro. Kështu përfundoi jeta e Diva Compagnucci, një ish-mësuese e shkollës fillore të Tolfës, 91 vjeçare, por ende e kthjellët dhe me shëndet të mirë. Ajo hapin derën e vrasësit të saj, pasi e njihte duke djali i shërbëtores.
Malaj, me sa dukej i alkoolizuar u shfaq në shtëpinë e Divës. Ai donte para por Compagnucci kishte pak më pak se 50 euro, të cilat do t’i përdorte për të shkuar tek parukierja. Në mbrëmje, ajo kishte planifikuar të shihte një shfaqje në Claudio, para shtëpisë së saj. Por, i riu shqiptar kërkoi më shumë. Sipas hetuesve, ai e ka goditur disa herë gruan derisa ish-mësuesja përfundoi në dyshemenë e kuzhinës. Atëherë, vrasësi sulmoi dhomën e gjumit në kërkim të më shumë parave. Ai nuk gjeti asgjë dhe u largua.
Nuk është e qartë se çfarë e shkaktoi dhunën e të riut, i përshkruar nga të gjithë si njeri shumë i qetë. Fakti është se të premten pasdite ai arriti të hynte në shtëpinë e zonjës Diva dhe më pas sulmoi egërsisht.
“Nuk e kam vrarë unë. Nuk kam qenë në atë banesë , kam qene në një vend tjetër”, thotë Sergio Malaj. Shqiptari i është përgjigjur të gjitha pyetjeve të prokurorit Mirko Piloni duke dhënë versionin e tij të fakteve.
I riu shqiptar nuk ka pranuar fajin dhe akuzën edhe pse disa dëshmitarë kanë deklaruar se Sergio Malaj ka qenë atë ditë rreth e qark pallatit.
Për avokatin mbrojtës Andrea Romani, shqiptari ka dhënë versionin e tij, por ka ende elementë për t’u sqaruar e që priten të zbardhen ditën e hënë ku do të zyrtarizohet dhe urdhri i arrestimit.
Arrestimi
Në agim dje, policia mbërrin në shtëpinë e të riut, i cili jeton në Tolfa me prindërit e tij. Ata gjejnë pantallona të ndotura me gjak brenda makinës larëse. Gjurmët e këpucëve të tij janë të ngjashme me ato të gjetura në dyshemenë e shtëpisë së gruas.
Dyshimet janë të shumta dhe i riu përfundon në komisariatin e policisë, ku fillon marrja në pyetje për orë të tëra.
“Nuk isha unë, nuk e vrava”, vazhdon e përsërit i riu, pa pranuar krimin. Marrja në pyetje mbyllet në orën 18.30, kur prokurori vendos për arrestimin e njëzet e katër vjeëçarit dhe dërgimin e tij në burg.
