Një oficer policie humbi jetën gjatë një operacioni policor në lagjen Côte-des-Neiges në Montreal të Kanadasë, ndërsa edhe i dyshuari u vra nga të shtënat e forcave të rendit.
Sipas raportimeve të mediave lokale, ngjarja ndodhi gjatë një ndërhyrjeje policore, ku situata u përshkallëzua në shkëmbim zjarri. Autoritetet nuk kanë bërë ende të ditura rrethanat e plota që çuan në incidentin fatal.
Dëshmitarë në vendngjarje raportuan momente paniku, teksa u dëgjuan dhjetëra të shtëna. Një prej tyre deklaroi se pa xhamat e një ndërtese të thyheshin në katin e gjashtë dhe se dëgjoi rreth 30 të shtëna.
“Dëgjova plumba që kalonin shumë pranë meje. Ishte një situatë e frikshme”, tha dëshmitari për mediat lokale.
More from the scene on the reported active shooter situation in Montreal, Canada. pic.twitter.com/lgw5ZrcCB7
— Breaking911 (@Breaking911) June 22, 2026
Pas incidentit, autoritetet lëshuan një alarm emergjence për banorët e zonës, duke paralajmëruar se i dyshuari ishte i armatosur dhe i rrezikshëm. Qytetarëve iu kërkua të shmangnin zonën derisa operacioni të përfundonte.
Additional footage from the reported active shooter situation in Montreal, Canada, appears to show two people on the ground, though it is unclear whether they were shot. pic.twitter.com/Yba1cL8O2h
— Breaking911 (@Breaking911) June 22, 2026
Më vonë u konfirmua se i dyshuari u neutralizua nga policia, por një oficer humbi jetën si pasojë e plagëve të marra gjatë ndërhyrjes.
Autoritetet kanë nisur hetimet për të zbardhur plotësisht ngjarjen dhe për të përcaktuar shkaqet që çuan në përplasjen e armatosur. Për momentin nuk janë bërë publike detaje të tjera mbi identitetin e viktimave apo motivet e incidentit.
