Zbardhet detaje nga ngjarja e ndodhur mbrëmë në Elbasan. Fillimisht në media u raportua për një person të plagosur përpara godinës së Bashkisë.
Ndërkohë, burime bëjnë të ditur se gjatë mesnatës një person i dyshimtë është parë përreth bashkisë . Gjatë momentit që policia ka tentuar të ushtrojë kontroll ndaj tij, ai u është shmangur dhe është larguar me shpejtësi duke humbur gjurmë nëpër rrugica.
Fillimisht burime nga vendngjarja thanë se u dëgjuan edhe krisma arme. Ndërkohë, burime të tjera në rrugë jo zyrtare bënë me dije se të shtëna ka patur dhe kanë qenë efektivët e gardës të cilët kanë qëlluar në ajër.
Ngjarja ka ndodhur rreth mesnatë, ndërsa pritet një informacion zyrtar nga policia.
