Mediat Britanike I kanë kushtuar gjithmonë artikuj mafies shqiptare. Në shumicën prej tyre ajo cilësohet si e rrezikshme, brutale duke u konsideruar ndonjeherë si një nga mafiet me te rrezikshme ne bote.
Dikur ata ishin vetëm disa “gangsterat” të cilët merren me transportin e drograve te lehta pasi vijnë në Shqipëri , ndërsa sot janë kthyer në një treg miliarda dollarësh.
Në artikullin e sotëm të medias “The Sun” ku i dedikohej një shkrim për mafien shqiptare ku në titull shkruhej: “Mafia brutale/ Historia e shqiptarëve që tronditi Britaninë”.
Po në këtë artikull shkruhet se shqiptarët shkuan në Angli duke përfituar nga lufta e Kosovës. Ata hiqeshin si kosovarë për të përfituar lejen e qëndrimit. Fillimisht çunat shqiptarë u bënë pjesë e mafies malteze që në vitet 2000 kontrollonte tregun e prostitucionit dhe të drogës.
Por shqiptarët më pas u bënë bashkë dhe shumë shpejt u morën nga duart tregun e prostitucionit maltezëve. Çka bie ndesh me këtë artikull është janë përdorur foto të shqiptarëve, që kanë më shumë se pesë ose gjashtë vite që qarkullojnë në mediat britanike.
Po kush janë “mafiozët” shqiptarë që tronditën Britaninë:
Olsi Beheluli, i cilësuar si trafikant brutal shqiptar ndodhet në burg. Është dënuar me 11 vite burg në vitin 2015.
Edhe Luan Plakici, i cilësuar si mafioz brutal është burgosur me 23 vite burg.
Klodjan Copja cilësohej si shef i madh i një rrjeti të madh është në burg. U dënua në vitin 2017 me 17 vite burg.
Tristen Asllani, po ashtu një mafioz i rrezikshëm shqiptar sipas “The Sun” është dënuar me 25 vite burg.
Po ashtu edhe Erald Mema dhe Albert Memia, i njohur si Diti janë në burg.
“Të gjithë këto janë të rrezikshmit dhe kokat e mafias shqiptare.” Shqiptarët cilësohen se nuk I dine rregullat e mafies por veprojnë në bazë të kanunit dhe besës së tyre
Po ashtu policët britanikë ka thënë:
Janë mafia më e rrezikshme më të cilët jemi përballur. Janë të dhunshëm shumë edhe gratë e tyre kanë përdhunuar.
Por ka dhe një analizië tjetë të mitizimit të mafies shqiptare, Jana Arsovska, e cila jep mësim në City University të Nju Jorkut ka thënë se:
Pasuria dhe dhuna ekstreme e kriminelëve që vijnë nga Shqipëria dhe Kosova nuk do të thotë se ata i përkasin një organizate të strukturuar me ritualet e zakonshme si Cosa Nostra e Sicilisë apo sindikatat Yakuza në Japoni.
“Ne shohim shumë organizata që punojnë në mënyrë të pavarur nga njëra-tjetra”, thotë zonja Arsovska. “Ata flasin gjuhën shqipe, por kjo nuk do të thotë se ato janë të lidhura me organizatat në Shqipëri dhe nuk janë kurrë ekskluzivisht shqiptarë etnikë”.
Në një nga titujt e gazetave në Angli shruhet:
Një shqiptar u fut në një kamion dhe u fut në Moldavi. Shkoi nëpër fshatra dhe u premtoi vajzave karriera të shkëlqyera në kamerierë dhe modelim, pastaj ai dhe shokët i përdhunuan dhe trafikuan.”
Duket se “Brexit” i ka bërë sulmues mediat Britanike ndaj shqiptarëve, duke I cilësuar se duhet medoemos mbyllja e kufijve me Europë që të shuajmë emigracionin dhe kriminalitetin. Pra kriminelë nuk janë të gjithë Shqiptarët por është politika e tillë e cila po I godet ato duke I bërë “mit”.
Përgatiti: AlpeNews.al
