Donald Trump paralajmëron kancelaren gjermane, Angela Merkel në lidhje me rrezikun që mund të sjellë në Europë gjiganti i teknologjisë kineze, Huawei.
“Nëse i hapni dyert Huaweit për të realizuar rrjetet 5G, SHBA-të janë gati ta kufizojnë bashkëpunimin me Gjermaninë në fushën e shërbimeve të inteligjencës”, thuhet në letrën e SHBA, dërguar Gjermanisë.
Këto janë detajet që dalin nga një letër që qeveria amerikane i ka dërguar administratës gjermane, siç bën të ditur “Wall Street Journal”.
Letra mban datën 8 mars dhe firmën e ambasadorit amerikan në Berlin, Richard Grenell, dhe i është dërguar Ministrisë gjermane të Ekonomisë.