Një studim i ri në Korenë e Jugut ka testuar me sukses tek minjtë një substancë apo ilaç që dha rezultatin e rritjes së flokëve. Një ekip i udhëhequr nga Profesor Kang-Yell Choi i Universitetit Yonsei krijoi një lëndë biokimike e cila u testua për 28 ditë tek minjtë për të nxitur rritjen edhe daljen e flokëve të reja (në rastin e miut, në shtimin e qimeve). Ai shpjegon se ishin dy lloj proteinash të bashkuara të cilat pas përpunimit sjellin efektet mrekullibërëse. Të dyja lëndët e përziera, rigjenerojnë folikulin dhe shërojnë plagët që ndalojnë rritjen e flokëve.
Kur shkencëtarët kombinuan PTD-DBM me acidin ‘valproik’, flokët u rritën edhe më shpejt. Kang-Yell Choi thotë: Ne kemi zbuluar një proteinë që nxit rritjen e flokëve. Presim që substanca të ndihmojë jo vetëm tek flokët por edhe në lëkurën e njeriut. Megjithatë studiuesit po merren me analizat që do zbulojnë nëse substanca mund të sjellë ndonjë reagim të rrezikshëm toksik.
