“BalkanWeb” zbardh identitetet e plota të dy të fortëve në Vlorë që iu kërkua nga Operacioni Forca e Ligjit që të plotësojnë formularin e deklarimit brenda 48 orësh.
Gazetarja Dorjana Bezat raporton për ‘BW’ se bëhet fjalë për dy vëllezërit për Altin dhe Mikel Çuca. Ata janë dënuar në Itali për trafik droge. Mikel Çuca është arrestuar në një operacion të përbashkët mes policisë shqiptare dhe asaj italiane në 2011.
Edhe Altini, vëllai i tij është arrestuar në Itali me të njëjtën akuzë. Më herët vëllezërit e kanë pasur mbiemrin “Çuçaj” dhe e kanë bërë “Çuca” më vonë.
