Arjan Marini, i cili u dhunua barbarisht në orët e para të mëngjesit të së shtunës në Berat ndodhet në gjendje kome në spitalin e Traumës në Tiranë.
40-vjeçari dyshohet se është goditur me sende të forta dhe është shkelmuar nga i riu, Sokol Tabaku, dhe ka pësuar dëmtime në kafkën e kokës dhe në tru.
Pas mbarimit të seancës, ku gjykata vendosi lënien në burg të 30-vjeçarit i cili mohon akuzat, motra e Arjan Marinit ka folur për gjendjen e 40-vjeçarit dhe ka kërkuar drejtësi.
Ermini Marini: “Gjendja e tij është kritike, është në koma. Mjekët nuk na kanë dhënë shpresë. Dëgjova që kanë shkuar në 3 të natës e kanë goditur, vëllai im nuk është zënë me asnjë njeri. I kanë rënë kot më qafë, kush janë ata kriminelë, të dalin para drejtësisë.
Ngjarja ndodhi sepse autori i ngacmoi vajzën?
Ermini Marini: “I thotë ky djali nga droga, janë fjalë koti. Ata mund të jenë dhe shokë. Nuk e di këtë. Shkova në mëngjes tek kunata, më tha që vëllai ishte shtruar në spital. Kur shkova në dhomë ta shikoj, vetëm gjak. Nuk e njoh personin, erdha në gjykatë për ta parë. Sikur të ishin takuar për një sqarim, nuk kishte përse ta dhunonte barbarisht. Kush ishte arsyeja ta bënte këtë, për një fjalë. Gjykata ta dënojë, ky është kriminel.”
Ndërkohë avokati i 30-vjeçarit Sokol Tabaku pretendoi se autori i dyshuar dhe Arjan Marini janë shokë më njëri-tjetrin. Sipas tij, i riu po pret shërimin e 40-vjeçarit që të sqarohet edhe ngjarja, ndërsa theksoi se “nëse do e kishte kryer veprën penale do përpiqej të largohej, por ai ka fjetur në shtëpinë e tij”.
“Ka deklaruar se nuk e ka kryer veprën penale. Kërkuam që të mos vlerësohej i lirshëm ndalimi. Nëse do e kishte kryer veprën do kishte tentuar të largohej, ka fjetur në shtëpi deri në mëngjes. E ka pasur shok, ajo familje ka pasur konflikte të tjera. I dyshuari atë po pret, të bëhet mirë i plagosuri se e ka shok. Ishalla thotë të bëhet mirë, por për atë duhet të kujdesen në spital dhe ne i urojmë shërim të shpejtë”, tha avokati.
