Të rinjtë në Mbretërinë e Bashkuara kanë mbushur baret dhe pub-et këtë fundjavë, pasi nga e hëna qeveria do të fusë në fuqi “rregullat e reja të rrepta” si pasojë e situatës së krijuar nga pandemia e koronavirusit.
Një natë më parë, adhuruesi e alkoolit u dyndën në grupe në pijetoret e Londrës, Manchester-it dhe Nottingham-it.
Nga pamjet e publikuara nga mediat britanike, vihet re se si të rinjtë kanë “zaptuar” lokalet dhe rrugët e qyteteve, pasi po përgatiten që fundjavën tjetër të qëndrojnë në shtëpi.
Të enjten, kryeministri i Britanisë Boris Johnson paralajmëroi për masa të reja për të parandaluar përhapjen e Covid-19. Ky vendim erdhi pasi zyrtari mjekësor, Chris Whitty, sqaroi se virusi po përhapet gjerësisht edhe te të rinjtë.
Ndërkohë Johnson u shpreh se njerëzit që kapen duke thyer rregullat e marra nga qeveria, përfshirë tubimet shoqërore prej më shumë se gjashtë persona, mund edhe të arrestohen.
