Për më pak se një vit kanë bërë 5 vjedhje të ndryshme në zonën e Shqipërisë së mesme por më në fund bien në prangat e policisë dy persona në Kavajë.
Sipas njoftimit të policisë mësohet se një M.N, 29 vjeç dhe G.R., 35 vjeç, të dy të dënuar më parë për veprën penale “Vjedhja” janë arrestuar në flagrancë, teksa po tentonin të grabisnin një banesë.
Uniformat blu kanë zbardhur dhe dokumentuar edhe 5 raste të tjera të vjedhje të banesave dhe dyqaneve nga personat e dyshuar.
Dyshohet se të akuzuarit janë autorë ngjarjeve të mëposhtme:
•Me datë 12.10.2020, në lagjen nr.2, Rrogozhinë, kanë tentuar të vjedhin, banesën dhe motorrin e shtetasit Z.K.
• Me datë 09.09.2020, në një subjekt me administratore shtetasen D.M, kanë vjedhur bateritë të dy mjeteve eskavator të firmës.
•Me datë 08.08.2020, në fshatin Vilëbashtovë, kanë vjedhur motorin e shtetasit G.S.
• Me datë 21.08.2020, në lagjen nr 2, Rrogozhinë, kanë vjedhur banesa e shtetasit U.K, ku kanë marrë një shumë të konsiderueshme parash.
•Me date 11.06.2020, kanë vjedhur dyqanin e shtetasit D.A., ku kanë marrë një shumë parash dhe disa produkte.
Policia njofton gjithashtu se ka sekuestruar në cilësinë e provës materiale mjetet që përdornin autorët për të kryer vjedhjet, si dhe një automjet me të cilin u larguan autorët.
