Lulzim Basha është komentuar jo pak ditët e fundit, teksa shihet në një perpjekje për të imituar liderët që fitojnë popullaritetin e tyre vetëm se janë e sillen si qytetarë të zakonshëm në jeten e përditshme pertej funksionit të lartë politik që mbajnë.
Mirëpo, e gjitha kjo duket haptazi një nje imitim grotesk i Merkelit, meqë jane edhe aleate në Partitë Popullore Europiane (PPE).
Por pse kur e bën Basha është qesharake?
E para, Lulzim Basha ka 15 vjet në politikë dhe 7 vjet si kryetar i PD dhe i opozites dhe deri me sot nuk e kishte treguar asnjëherë këtë anë të tij. Ç’ka e bën thjeshtë një sajesë keshilltaresh mizerabël që në vend të fitoje pikë e diskretitojnë edhe më shumë.
E dyta, ta zëmë se kjo është e vertete dhe e marim të mirëqenë se Basha bën edhe pazar si gjithë ne të tjerët. Çështja është se në “Long Hill”, tek rezidenca e më të pasurve të Shqipërise ku e ka ai vilën e re të banimit, nuk ka dyqan domatesh. Çka tregon se e gjitha është thjeshtë një përpjekje për të prodhuar një spot publicitar dhe jo pjesë natyrore e mënyrës së tij të jetesës.
E treta, Lulzim Basha ecën në mes të një rruge makinash, duke treguar se ai nuk zbaton asnjë rregull të këmbesoreve. Çka tregon se nuk para i ka rënë ndonjeherë rasti që të eci në këmbë për te bërë pazare në qytet.
E katërta, përveçse një qytetar normal, ai duhet të ishte edhe një njeri xhentil që nuk i linte zonjës Vera të mbante 4 çanta dhe vetë të pozonte si në pasarele me një qese në dorë.
Dhe e fundit, kur i ka lënë demokratet 7 vjet në opozitë dhe pa asnjë përfaqesim në të gjitha nivelet e qeverisjes, ata nuk presin që ai ti kthejë ata me pushtet me një qese domatesh në dorë. Por ai duhet të marri përdore fatin e tyre përmes një projekti frymëzues politik që krijon frymën e madhe të besimit që sjell me pas në zgjedhje, edhe ndryshimin.
Këto dhe shume arsye të tjera të bëjnë te besosh se strategjia e re qe duket se po mundohet që të ndjekë Basha një vit para zgjedhjeve të 2021 është e tejkaluar në rastin më të mirë dhe qesharake në rastin më optimal.
ALPEnews.al