Deputeti i PS-së dhe ish-ministri i financav, Anastas Angjeli, ka komentuar ditën e sotme Buxhetin për vitin 2018. I ftuar në “5 pyetjet nga Babaramo”, Angjeli ka folur edhe mbi risqet në këtë Buxhet. Sipas Angjelit një risk është edhe boshllëku që do të lenë dy projektet më të madha në vend, TAP dhe projekti i HEC-eve në Devoll.
“Unë dua të jem sa më realist. Nuk mund të mohohet që kuadri makroekonomik jep garanci për një mbështetje. Pa dyshim nuk mund të ketë edhe risqe. Për shembull risku i rritjes ekonomike. Ne deklarojmë mbi 4.2%. Por ky është parashikimi dhe ka risk edhe për mos arritjen e tij.
Një tjetër është edhe fakti se rritjen ekonomike e kishim të bazuar në disa faktorë edhe në dy projekte TAP dhe projekti i HEC-eve në Devoll, TAP mbaroi. Ndërsa Dvolli është në vitin e fundit.”, tha Angjeli.
Ish-ministri i financave ka komentuar edhe vendosjen e shumë përfolur të taksës për banesat, ku ka sqaruar se në këtë taksë do të ketë disa kategori qe do të përjashtohen.
“Edhe këtu ka një konfuzion. Së pari duhet parë që taksa mbi pronën do të ketë. Flasim për banesat. Këtu ka një klasifikim për ata për banesa të par, ata që janë banesa e dyta e treta e një qytetari dhe flasim edhe për ndërtesat për zhvillim ekonomik.
Kjo taksë është në të gjithë Europën. Muk është se po i rrisim këto taksa po bëhet një sistemim i taksave. Ka një klasifikim, jemi munduar të tregojmë kujdes të përjashtojmë pesionistët dhe kategori të tjera sociale që i takojnë pushtetit vendorë ti përjashtojë apo jo. Taksa për shtëpinë e parë do të jetë shumë e vogël se sa për shtëpinë e dytë apo të tretë, apo për ato ndërtesa për biznes.”, ka sqaruar Angjeli.
