Presidenti Ilir Meta ka reaguar lidhur me denoncimin e gazetës “TemA” pak ditë më parë ku ai shfaqej i maskuar me kapuç në fund të kompleksit të Gjirit të Lalzit.
Meta e mohon se ka pritur në takim një prej njerëzve më të kërkuar nga drejtësia aktualisht në Durrës duke u justifikuar se ishte dukë bërë sauna.
I pyetur në lidhje me fotot e botuara nga “TemA”, presidenti përgjigjet:
“Ai që ta ka thënë ty këtë gjë të vijë tani këtu tek unë.
Unë e përdor kapucin sepse bëj pak sauna, dhe jam i detyruar të dal të lëviz,
Përsa i takon personit, të vijë kryeministri këtu e të ma tregojë.
Unë nuk takohem kurrsesi me njerëz që janë në kërkim që janë me dy apo 3 emra, të cilët ai i bëri kryetarë bashkish.
Zero lidhje nuk kam me persona të OFL dhe OFL do të ketë një aksion të paparë pas zgjedhjeve të 25 prillit.
Ndërkombtarët e kanë bërë të qartë që pa zgjedhje të ndershme nuk hyjmë në BE. “
Gazeta TemA disponon gjithashtu edhe videon e shkuarjes ne takim të njerëzve të dërguar nga personi në kërkim.
Gjithësesi, ne po ja përsërisim edhe njëherë pyetjen: A mund t’ua thuash shqiptarëve me kë je në tavolinë?
