Sadije Agolli, bashkeshortja e Dritëro Agollit u shua nga jeta sot, dy vite pasi shkrimtari i njohur ndërroi jetë.
Dritëroi dhe Sadije ishin një çift i cili ndjenjën e dashurisë 52 vjeçare për njëri tjetrin e kishin kult duke treguar që respekti është bazë e dashurisë.
Sadija nuk ishte vetëm bashkëshortja e të madhit Agolli, por njëherazi lexuesja e tij e parë, redaktorja, shoqja e tij besnike e ditëve të bukura e të vështira.
Mjafton të kujtojmë fjalët e Sadijes, pas vdekjes së atij, ku thoshte se ai për çdo gje konsultohej me të dhe i ka “mbetur hatrii që nuk e pyeti para se të largohej.
Në një nga intervistat, ku është pyetur në lidhje me xhelozinë ndaj ish gruas së Dritërorir ajo është shprehur: “Dritëroi ka shkruar poezi për mua dhe më është përkushtuar tërësisht. Pastaj ka qenë një burrë i fortë dhe jo qaraman. Nuk e përmendte ish-gruan e tij, thoshte gjithmonë që ajo ishte kohë e shkuar: Tani të kam ty”.
Vdekjen e Dritërorit ajo e përjetoi tmerrësisht keq dhe një vit pas kësaj tha:” Unë jetoj ditë për ditë dhe orë për orë me Dritëroin, ditën dhe natën, prandaj kam dhe pagjumësi të vazhdueshme, pasi në çdo moment e ndjej se është pranë meje”.
Ashtu sikurse shprehej edhe Dritëro pë Sadijen: “Unë gjithnjë kam jetuar me ty. Shkoja në rrugë – isha me ty, shkonja në kafe – isha me ty, shkonja në bibliotekë të kërkonja ndonjë libër – isha me ty”.
Megjithatë në botimin “ Dashuri në moshën e Krishtit” ka më ” një det” të pafund emocionesh të çiftit.
Ai përmban letrat intime intime të Dritëro Agollit shkruar për Sadijen në vitet 1964-1965 menjëherë pas njohjes dhe lidhjes së fortë me njëri-tjetrin. Rikujtojmë që çifti janë njohur në dasmën e Ismail Kadaresë.
Ja disa nga dedikimet e shkëputura të botimit:
“Tani që nuk të kam ty pranë nuk i vë rëndësi asgjëje: rri i parruar, i pahekurosur dhe me duar në xhepa. Kostumi s’ka ç’më duhet, e kam inat dhe nuk do ta qep- Dritëroi”
“Kam jetue një javë të tanë me gëzimin se do të vinja në Tiranë, se do të flenja nji dhomë ku do t’na ndante vetëm nji mur- Sadija”
/AlpeNews.al