Kryeministri Edi Rama ka deklaruar se ka marrë vlerësime pozitive dhe inkurajuese nga Gjermania sa i përket hapjes së negociatave me BE-në, teksa shtoi se një vendim pozitiv nuk do të ishte një “dhuratë”, por vlerësim i saj çka Shqipëria meriton.
Nga ana tjetër edhe Merkel dha sinjale pozitive duke u shprehur pas takimit se Gjermania do të vendos në fund shtatori për negociatat.
Ajo që vlen të permendet është se Merkel shtoi gjithashtu se pavarësisht disa vështirësive, Shqipëria ka bërë perparim pozitiv.
E megjithatë, ndërkohë që Rama lobon pro hapjes së negociatave, Partia demokratike me anë të sekretarit të saj të përgjithshëm sigurohet që të lobojë kundër tyre.
Me anë të nje statusi në “Facebook”, Gazmend Bardhi shkruan më i bindur se kurrë se negociatat nuk do të hapen e se takimi me Merkel nuk vlen, duke i mëshuar gjithnjë e më shumë faktit se opozita kërkon të bëj një hap pas, për aq kohë sa kryeministër nuk është Lulzim Basha.
/AlpeNews.al
