Saimir Tahiri ka përfunduar deklaratën e tij pranë Prokurorisë së Krimeve të Rënda. Në një prononcim të shkurtër për mediat Tahiri sqaroi për mediat se nuk do ta shndërroj në një betejë politike gjithë çka ndodhur. Sakaq Tahiri u shpreh i gatshëm që t’i shkojë hetimeve deri në fund dhe të paraqitet sa here është e nevojshme. Tahiri u thirr paraditen e sotme, rreth orës 14:00 për të dëshmuar në lidhje me Dosjen Habilaj dhe lidhjet e dyshuara që mund të kishte me bandën narko-trafikante.
“Unë nuk kam ndërmend ta bëj betejën time për drejtësi para jush, apo akoma më keq ta kthejnë në një histori debati politik. Mendoj se debati politik për këtë histori duhet të mbyllet. Unë këtë betejë e kam me drejtësinë”, tha Tahiri. Me kërkesën time u paraqita për të dhënë shpjegimet e mia dhe për të shprehur gatishmërinë sot dhe kurdoherë për t’i shkuar të vërtetës deri në fund me çdo mjet timin, dhe disponibilitetin persona për t’iu përgjigjur çdo kërkesë të prokurorisë. Do ju kërkoja që atë që bëra me prokurorët brenda mos ta bëja edhe këtu, se do ishte punë e dyfishtë. Unë jam tërësisht i disponueshëm për t’iu përgjigjur çdo pyetje, i hapur për çdo hetim, do t’i shkoj deri në fund të drejtës dhe të vërtetës sime”, u shpreh Tahiri.
Dëshmia para prokurorëve ka zgjatur për dy orë e 30 minuta, dhe pritet të hedhë dritë mbi akuzat e ngritura nga Prokuroria e Krimeve të Rënda për të. /AlpeNews.al/
Saimir Tahiri përfundon dëshminë në Prokurori: I hapur për çdo hetim
Posted by Troç on Freitag, 27. Oktober 2017