Eshte mbyllur me surpriza të këndshme Panairi i Librit në Tiranë, i zhvilluar për pesë ditë me radhë gjatë kësaj jave, në Pallatin e Kongreseve në Tiranë. Romani “Sarah” i Alfred Pezës rezultoi libri më i shitur i këtij eventi, duke shënuar një sukses të menjëhershëm për autorin, i cili del në treg për herë të parë me një botim në letërsinë arstistike. Kjo e bëri kolanën letrare të MAPO Editions dhe në tërësi stendën e UET Press, një ndër më të vizituarat e këtij Panairi.
Ky i 2017, ishte një edicion i veçantë po të kemi parasysh se shënoi edhe vitin e 20 të hapjes së tij. Në të morën pjesë rreth 100 shtëpi botuese të librit shqip nga Shqipëria, Kosova, Maqedonia, Mali i Zi. Si çdo vit kalendari i aktiviteteve brenda Panairit, përfshinte krahas ndarjes së çmimeve, edhe takime, tryeza, promovime librash të rinj dhe pjesëmarrje të drejtuesve kryesorë të shtetit.
Alpenews.al