Zyra qendrore e gazetës holandeze De Telegraaf u godit nga një furgon herët në mëngjes. Policia flet për një sulm të qëllimshëm por fatmirësisht nga ngjarja nuk pati të plagopsur.
Furgoni i bardhë u përplas në fasadën e xhamit të ndërtesës në periferi të Amsterdamit rreth orës 04:00 sipas kohës lokale dhe shpërtheu në zjarr.
Policia tha se askush nuk u plagos dhe shoferi i furgonit i cili arriti të largohej nga vendnngjarja nuk është kapur ende.
De Telegraaf është e përditshmja më e madhe në Holandë, e specializuar në sport dhe krime.
Javen e shkuar, një predhë u hodh në një zyrë që strehonte disa revista në të njëjtën zonë të Amsterdamit.
Një 41-vjeçar u arrestua për atë sulm, ku askush nuk u lëndua.