Lëvizja Socialiste për Integrim mbështeti ndërhyrjen në Siri të vendeve aleate si Shtetet e Bashkuara të Amerikës, Francës dhe Britanisë së Madhe.
“Ne besojmë se iniciativa e Presidentit Donald Trump është në mbrojtje të të drejtave të njeriut dhe të sigurisë ndërkombëtare, si dhe një akt për t’i dhënë fund regjimit diktatorial dhe veprimeve barbare kundër njerëzimit”, thuhet në një reagim zyrtar të kësaj force politike.
Pas paralajmërimit të presidentit Trump, se do të marrë një vendim mbi Sirinë, pritja ka marrë fund tashmë. Shtetet e Bashkuara të Amerikës kanë nisur ofensivën ndaj Sirisë, mëngjesin e sotëm.
Në mbështetje të SHBA-ve janë rreshtuar edhe Britania e Madhe me Francën, të cilat po marrin pjesë në këtë ofensivë.
