Presidenti i Kosovës, Hashim Thaçi, ka reaguar pas sulmeve në shtëpitë e dy ushtarakëve serbë të Forcës së Sigurisë së Kosovës në Zubin Potok.
Ai ka dënuar sulmet dhe ka kërkuar që policia të vërë para drejtësisë autorët. Fatmirësisht nga bombat e hedhura në orët e para të mëngjesit nuk ka të lënduar.
“Është i papranueshëm sulmi mbi shtëpitë e dy pjesëtarëve të Forcës së Sigurisë së Kosovës në Zubin Potok. Kërkoj nga Policia e Kosovës që ta zbardhin rastin dhe përgjegjësit t’i sjellin sa më shpejtë para drejtësisë. Ne jemi të përkushtuar në integrimin e plotë të komunitetit serb dhe pakicave të tjera në institucionet e Kosovës”, deklaron Thaçi. (TemA)
