Shtatë të vdekur dhe disa të plagosur pas një sulmi që u quajt terrorist në qendër të Vjenës. “Ka pasur të shtëna me armë zjarri në qendër – ka persona të plagosur – rrini larg vendeve publike dhe transportit publik”, ka thënë policia.
Incidenti ka ndodhur afër sheshit Schwedenplatz, ndërsa flitet për 6 autorë, dy prej tyre janë vrarë gjatë shkëmbimit të zjarrit me policinë. Ministri i Brendshëm, Karl Nehammer, ka thënë se sulmi i së hënës besohet se është terrorist.
“Në këtë moment mund të konfirmoj se besojmë se kemi një sulm terrorist”, ka thënë ai.
Policia e Vjenës u ka bërë thirrje njerëzve që të mos shpërndajnë video dhe fotografi nëpër rrjetet sociale. “Kjo gjë rrezikon forcat policore si dhe popullsinë civile”, ka thënë ajo përmes një postimi në Twitter.
Por ndërkohë në “Twitter” janë publikuar imazhe dhe video nga ajo që po ndodh në Vjenë. Në një prej tyre dyshohet se policia ka zhveshur disa të dyshuar që ndodhen me duart lart.
#BREAKING: Unconfirmed reports now that the terrorists haven been just captured by the Austrian police in #Vienna!#Vienne #ViennaAttack #synagoge #Israel #Austria #Oesterreich #Wien #synagoge #Hilton #hotel pic.twitter.com/B6M7cw9yZT
— Faruk Firat (@FarukFirat1987) November 2, 2020
