Intervista e ish-kryeministri Fatos Nano ngjalli shumë debate në politikën shqiptare dhe shoqërua me reagime të shuma.
Madje ministrja Elisa Spriopali u shpreh në mes të Kuvendit se Fatos Nano nuk ka nevojë të mbrohet nga askush përballë akuzave të opozitës, pasi ai është një lider. Pikërisht kjo deklaratë e Spiropalit u diskutua edhe mbrëmjen e djeshme në emisionin ‘PolitikOn’. Spiropali tha se u qëndron ato që ka deklaruar për Nanon dhe shtoi se ai nuk ka nevojë për mbrojtjen e saj.
Lela: Keni pasur dy mendime të ndryshme për Fatos Nanon, në dy kohë të ndryshme. E ngazëllyer pas intervistës së fundit, ku edhe ai e skënderbejzonte Skënderbeun tuaj dhe tonin që na e ruajtë Zoti, ndërkohë që më parë keni qenë shumë kritike me z. Nano, duke ardhur qysh nga koha e MJAFT-it. Spiropali: Ku kam qenë kritike unë? Lela: Kritikë më aktive se ajo nuk kishte, me fjalë dhe me vepra.
Spiropali: Unë jam kthyer në Shqipëri në vitin 2006 nga studimet në SHBA. Në atë vit ka qenë kryeministër Sali Berisha, si aktiviste e MJAFT kam ngritur çështje dhe zërin për atë qeveri. Edhe në rast se do të kisha qenë si aktiviste që ka dalë për të protestuar kundrejt Fatos Nanos, do të dilja dhe të thoja të njëjtat gjëra si ato që thashë në Kuvend dhe nuk u heq asnjë presje.
Unë besoj tek ato që thash. Fatos Nanon nuk ka nevojë që të mbrohet nga unë. Unë nuk fola që ta mbroj nga sulmet, sepse ai është një lider dhe një politikan intelektual për të cilin historia gjykon dhe flet sepse ka dalë nga politika aktive. Por ajo intervistë kishte dëshmi historike dhe fjalë të qarta. Ato ishin aq të vërteta sa prekën nerva delikatë të opozitës.
