Një person ka aktivizuar dy granata dore në një gjykatë në lindje të Ukrainës duke e vrarë veten, dhe duke plagosur së paku shtatë persona të tjerë, sipas mediave lokale.
Shpërthimet kanë ndodhur gjatë një seance dëgjimore në Nikopolë, në rajonin e Dni-propetrovskit.
Personi besohet të ketë qenë babai i njërit prej viktimave të të akuzuarve në gjykimin e sotëm. Tre të pandehur ndodhen në mesin e të plagosurve. Katër punonjës të gjykatës dhe disa roja të sigurisë po ashtu janë plagosur si pasojë e shpërthimit.
Disa raporte sugjerojnë se numri total i të plagosurve është dhjetë dhe se dy prej janë duke u operuar në spital. Të pandehurit akuzoheshin për hapje zjarri në drejtim të një veture dhe vrasjen e dy pasagjerëve në shkurt të 2016-ës, njëri prej të cilëve djali i personit i cili kreu sulmin e sotëm në gjykatë. Hetuesit kanë dalë në vendngjarje dhe po merren me rastin.
Konflikti që shpërtheu në prill të vitit 2014 në lindje të Ukrainës, menjëherë pas aneksimit rus të gadishullit të Krimesë, u ka marrë jetën rreth 10 mijë personave. / alpenews.al
