Barcelona e humbi brazilianin Neymar, që shkoi te PSG-ja në gusht për një marrëveshje rekord botëror. 25-vjeçari po “lulëzon” në “Parc des Princes”, pavarësisht se ka parë edhe kartonin e kuq në barazimin 2-2 të Ligue 1, kundër Marseille, fundjavën e shkuar. Megjithatë, pavarësisht se shijon një fillim të mirë për karrierën dhe jetën në klubin e tij të ri, në diskutim mbetet fakti se Neymar përfundimisht planifikon të përfundojë te Real Madridi. Dhe faqja e internetit spanjolle, “Don Balon”, thotë se Suarez është informuar nga lojtarët e PSG-së se nr.10 i tyre po planifikon tashmë të transferohet në “Bernabeu”.
Ndërkohë, duke folur kur ndodhi lëvizja e Neymar te PSG, këtë verë, gazetari Pipi Estrada tha ai për spektaklin spanjoll “El Chiringuito”: “Real Madridi ishte i sigurt për nënshkrimin e brazilianit, kur ai të jetë 26 vjeç. Florentino Perez ishte njeriu më i lumtur në botë kur mësoi se Neymar do të shkonte te PSG. Nuk kam asnjë bazë shkencore, është vetëm intuitë, por jam i bindur se Florentino Perez mendon se në pak vite Neymar do të jetë pjesë e Real Madridit. Në dy apo tri vite, kur Neymar të jetë 26 vjeç, ai do të luajë me Real Madridin”.
