Sipas studimeve më të fundit është vërtetuar se trupi ynë performon më mirë, djeg më shumë kalori dhe lodhet më pak, kur bëjmë ushtrime fizike gjatë pasdites. Sa më vonë të bëjmë palestër aq më shumë trupi ynë është i aktivizuar dhe ndjen më pak lodhje nga ushtrimet.
Sipas shkencëtarëve kjo ndodh pasi, temperatura e trupit vjen duke u rritur gjatë ditës dhe arrin kulmin në fund të saj. Duke u stërvitur në mënyrë të përsëritur pasdite, studiuesit vëzhguan se performanca e atletëve rritej dhe se në mëngjes trupi e kishte më të vështirë të jepte maksimumin e tij. Mos e torturoni veten të zgjoheni shumë herët në mëngjes, bëni palestër në orët e vona të pasdites.
