Prova klinike në vazhdim të fazës 3 të vaksinës së koronavirusit të Pfizer/BioNTech, konfirmon se mbrojtja e saj zgjat të paktën gjashtë muaj pas dozës së dytë.
Studimi po vazhdon ende dhe në javët në vijim prite të zbulohet më shumë se sa e gjatë dhe sa e fortë është kjo mbrojtje.
Sipas kompanisë Pfizer/BioNTech, vaksina e prodhuar prej tyre është 91% e efektshme në parandalimin e sëmundjes dhe plotësisht efektive kundër variantit shqetësues B1351 të virusit, i cili është lloji dominues që qarkullon në Afrikën e Jugut.
“Efikasiteti i lartë i vaksinës i vërejtur deri në gjashtë muaj pas dozës së dytë dhe kundër variantit të përhapur në Afrikën e Jugut siguron besim të mëtejshëm në efektivitetin e përgjithshëm të vaksinës sonë”, tha kryetari dhe drejtori ekzekutiv i Pfizer.
Një ditë më parë, kompanitë thanë se një provë te një grup i vogël vullnetarësh të moshës 12 deri në 15 vjeç, tregoi efikasitet 100% në atë grupmoshë.
