Studimet tregojnë se të folurit në celular për gjysmë ore në javë mund të rrisë rrezikun e tensionit të lartë të gjakut.
Sipas një lajmi në “Daily Mail”, një ekip nga Universiteti Mjekësor Jugor i Kinës studioi nëse ekziston një lidhje midis të folurit në celular dhe rrezikut të tensionit të lartë të gjakut.
Brenda fushës së hulumtimit, rreth 200.000 të rritur në Angli janë monitoruar për 12 vjet.
Studimi tregoi se ata që përdornin telefonin për 30 minuta ose më shumë në javë kishin 12 për qind rrezik më të lartë të zhvillimit të tensionit të lartë të gjakut sesa ata që flisnin më pak.
Theksohet se grupi me rrezikun më të lartë të zhvillimit të tensionit të lartë janë ata që kalojnë rregullisht një orë në ditë duke folur në telefon.
Gjithashtu u zbulua se ata që flisnin në telefon për më shumë se gjashtë orë në javë kishin 25 për qind më shumë gjasa të zhvillonin tension të lartë të gjakut sesa ata që flisnin për më pak se pesë minuta.
Studiuesit potencuan se lidhja midis përdorimit të telefonit celular dhe presionit të lartë të gjakut mund të lidhet me nivelet e ulëta të energjisë së radiofrekuencave të emetuara nga pajisjet.
Thuhet se numri i viteve që pjesëmarrësit kanë përdorur telefona celularë dhe nëse kanë përdorur pajisje të tilla si kufje apo altoparlantë, nuk ka pasur ndryshim në nivelin e rrezikut.
Ekspertët paralajmëruan se telefonatat duhet të reduktohen për sa i përket shëndetit të zemrës.
